Մամլոյ Ասուլիս Ներկայացնելու` ''Կարտինալ Պերնարտին Կանդէնի'' Ամպիոնը։

Հինգշաբթի 23 մայիսի առաւօտեան ժամը 11.30 ին , Սուրբ Աթոռի մամլոյ գրասենեակի Յովհաննէս Պօղոս Բ. անուան Սրահին մէջ տեղի կ՝ունենայ մամլոյ ասուլիս մը որուն ընթացքին կը ներկայացուի ''Կարտինալ Պերնարտին Կանդէնի'' Ամպիոնը, Լատերանեան Քահանայապետական Համալսարանի միջազգային ուսումնասիրութեան ''միջկարգապահական սերտողութիւն Ափրիկէի մշակոյթին ծաւալումի ի նպաստ'' մասնճիւղէն ներս։

Մամլոյ Ասուլիսին ելոյթ կ՛ունենան զանազան մասնագէտներ, կղերականներ եւ քաղաքագէտներ որոնց շարքին նշենք` Կարտինալ Րոպէրդ Սարա, Քահանայապետական ''Գոր Ունում - Մէկ Սիրտ'' խորհուրդի նախագահ եւ Պէնինի հանրապետութեան Նախագահ Տիար Թոմաս Պոնի որ չորեքշաբթի 22 մայիսին Սրբազան Քահանայապետին հետ հանդիպում ունեցաւ։